مسلم پرسنل لا میں مداخلت اور یکساں سول کوڈ کا نفاذ ناقابل برداشت

نئی دہلی: اللہ کے رسول صلی اللہ علیہ وسلم نے ہمیشہ عورتوں کے حقوق کی ادائیگی اور ان کے ساتھ اچھا سلوک کرنے کا حکم دیا ہے۔خطبہ حجۃ الوداع میں اور اس کے بعد اپنی وفات سے پہلے تک رسول اکرم صلی اللہ علیہ وسلم نے امت اسلامیہ کو ان تمام چیزوں کی وصیت خصوصیت کے ساتھ کی جن کے بارے میں بعد کے ادوار میں امت کے درمیان کمزوری واقع ہونے کاآپ کو خدشہ تھا، اور آپ نے عورتوں کے بارے میں اللہ سے ڈرنے کی وصیت کئی بار فرمائی، اس لئے آج مسلمانوں کو خواتین کے بارے میں حساس بننا ہوگا ،اگر ان خواتین کوان



کے جائز حقوق فراہم کردیئے گئے اور ان کی عزت وتکریم کی گئی تو یہ خاندانوں اور گھرانوں نیز پورے معاشرہ کو سدھار سکتی ہیں اس لئے ہمیں ان کابھرپور خیال کرنا ہوگا۔ ان خیالات کا اظہار ابوالکلام آزاد اسلامک اویکننگ سنٹر، نئی دہلی کے صدر مولانا محمد رحمانی سنابلی مدنی نے سنٹر کی جامع مسجد ابوبکر صدیق ،جوگابائی میں خطبہ جمعہ کے دوران کیا۔مولانا نے طلاق ثلاثہ سے متعلق شریعت اسلامیہ کے موقف پر بھی اظہار خیال کیا ۔ نیز یکساں سول کوڈ اور مسلم پرسنل لا سے متعلق حکومت ہند کی پالیسی کی بھی تردید کی۔